Ụbọchị Ụka Disemba 1, 2019, ọgbakọ ndịigbo na mpaghara Amerika a na-akpọ New England mere mmemme ha jiri jaa ndịnkuzi na ụmụakwụkwọ niile nọ nʻụlọakwukwo Igbo ha ike. Na mmemme ahụ, ụmụakwụkwọ niile nwetere ihe onyinye iji gbaa ha ume ka ha na-amụtawanye asụsụ Igbo.

Nwunye Dim Chukwuemeka Odumegwu Ojukwu, Ikemba Nnewi na Dikedịọramma ndịigbo, bụ Odoziakụ Bianca Ojukwu akpọọla Gọvanọ na-achị Steeti Anambara bụ Willie Obiano ọkụkọ amaghị onye foro ya ọdụ nʻudummiri.

Ndị Uweojii nọ nʻEnugwu ekwuole na otu ụkọchukwu nke aha ya bụ Fada Arinze Madụ, nke ndị ntọrị nwụọrọ ka ụrịọm ọkụkọ, enwerele onwe ya. Onye gbara ama a bụ ọnụ na-ekwuru ndị uweojii nʻEnugwu bụ Maazi Ebere Amaraizu.

Ebelegbu gburu n’Upper Iweka nke Ọnịcha dị na Steeti Anambara ụbọchị Wenezdee ọnwa Ọkụtoba dị na mkpụrụụbọchị iri na isii mgbe ọkụ gbagburu mmadụ atọ tinyere otu nwaanyị na nwa o ku n’aka. Ọkụ ahụ jidekwawa akụnaụba ụmụmmadụ nke ruru ijeri kwuru ijere naịra taríe.

Gọvanọ na-achị Steeti Ebọnyị bụ Maazị David Umahi adọọla aka na ntị na ya ga-achụ onye ọbụla kwutoro maọbụ kparịa onyeisi ala bụ Momahadu Buhari nʻọrụ. Maazị Umahi kwuru nke a nʻozi o siri nʻaka onye enyemaka ya pụrụ iche gbasara nzisa ozi, bụ Maazị Francis Nwaze wee zipu. Ozi a gaara ndị niile na-arụrụ Steeti ahụ ọrụ.

Anya achaala ndị Economic and Financial Crimes Commission (EFCC) ọbara ọbara ebe ndị otu Rochas Okorocha nọ. Ozi na-eru Ụwandịigbo aka na-akowa na ọ bụzị oke nʻọhia, ngwere nʻụzọ ebe EFCC na-achụghara ụfọdụ ndị rụọrọ Maazị Okorocha ọrụ mgbe ọ bụ onyeọchịchị Steeti Imo. Ụfọdụ nʻime ndị a emiele ala ebe ndị ọzọ hapụrụ Owere wara ọsọ.

Eze ọdịnala nke na-achị mba Nkporo, nke dị na Steeti Abia bụ Eze Patrick Ogbuagu (Ezeaja nke Nkporo), etoole ndịigbo bi na mpaghara Amerika a na-akpọ New England nʻetu ha si akwalite asụsụ na omenala Igbo na mba ofesị. Ezeaja Ogbuagu toro otuto a mgbe ọ gara mmemme Ụbọchị Ndịigbo nke a mere na Boston ụbọchị onwa Ọgọọsịtị dị na mkpụrụ ụbọchị iri nke afọ 2019.

Onye ọchịchị lara ezumikenka na mba Zimbabwe bụ Maazị Robert Mugabe alaala ala ahụdebe. Maazị Mụgabe nwụrụ nʻulọọgwụ di na Singapore ụbọchị ọnwa Seputemba dị na mkpụrụ ụbọchị isii.

Ụbọchị Satọdee Ọnwa Ọgọsọsịtị dị nʻụbọchị iri na otu ka ndịigbo bi na mba mebere New England nke Amerika (Massachusetts, Rhode Island, Connecticut, Maine, New Hiampshire na Vermont) mere mmemme Ncheta Ụbọchị Ndịigbo (Igbo Day) nke afọ 2019. Mmemme a nke omenafọ na-akpọkọta ndịigbo niile, ma nwata ma okenye, iji gosipụta ma kwalite asụsụy, omenala na ọdịnala Igbo.

Ọgbakọ ndị okenye kpọrọ onwe ha Orlu Elders Council akpọkuola Onyeọchịchị Steeti ahụ bu Maazị Emeka Ihedioha ka o nyochaa etu onye chịburu steeti ahụ bụ Maazị Rochas Okorocha siri mefu ego mgbe ọ nọ nʻọchịchị.