An Online Conference of the Igbo-Speaking World
Nọv 11- Nọv 13, 2021
Ụwandịigbo 2021 bụ ọgbakọ zuzugbe ụwa (global conference) ebe ndị ọkammụta na ndị niile isi na-anụ ọkụ nʻihe gbasara asụsụ, agụmagụ na omenala Igbo ga-ezukọ, gụpụtara ụwa ihe nchọcha (research) ha. Ihe niile a ga-ekwu na ya bụ ọgbakọ ga-abụ nʻasụsụ Igbo. Nke a bụ izizi a na-enwe ọgbakọ dị etu a ebe a ga-asụ naanị asụsụ Igbo malite na mbido ruo na ngwụcha. Ndịọkammụta si mahadum dị iche iche na Naịjiria nakwa ofesi etinyele akwụkwọ maka ọgbakọ a. Ọgbakọ a ga-abụ na Zoom nakwa Youtube ka onye Igbo ọbụla chọrọ nwee ihe sonye.
Ọ bụrụ na Igbo na-adị gị mma, were ọsọ jee denye aha gị ebe a ka i soro na ndị ga-egere ihe a ga-agụpụta nʻọgbakọ a. Ọ bụrụ na i nwere ajụjụ, zigara ya admin@uwandiigbo.org ka ọ tụziere gị aka.
Ụwandịigbo bụ otu na-akwalite asụsụ na ọmenala Igbo. Ọrụ ha bụ ịhụ na asụsụ Igbo ruru ebe asụsụ mba ụwa ndị ọzọ ruru. Ọ bụrụ na ihe gbasara Igbo na-anụ gị ọkụ nʻobi, i nwere ike ịbanye nʻotu Ụwandịigbo site nʻidebanye aha nʻakwụkwọ ebe a. Onyeisi otu a bụ Ọkammụta Omenka Ejike Eze na-akpọ ndịigbo niile ka ha nyere aka kwalite asụsụ Igbo.
Ọ bụrụ na ị chọrọ iji onyinye ego kwado ọgbakọ a maọbụ kwado nkwalite asụsụ Igbo, jee ebe a nye onyinye gị
Ụwandịigbo 2021
Isiokwu: Asụsụ na Omenala Igbo n’Ụwa Ọhụrụ
Ụwandịigbo Academy na ngalaba akwụkwọ Global Interdisciplinary Studies (GIS) nke Mahadum Villanova, USA, na-ama ọkwa na ọgbakọ zuzugbe Ụwandịigbo nke afọ a (Ụwandịigbo 2021) ga-amalite na Nọvemba 11 ruo Novemba 13, 2021. Isiokwu ọgbakọ anyị bu: “Asụsu na Omenala Igbo n’Ụwa
Ọhụrụ.” Maka nke a, anyị na-anabata edemede ngụpụta di icheiche ndị nke metụtara isiokwu a na ndị ọzọ yiri ya na-adịghị ebe a. Ụfọdụ nsoje isiokwu a nke anyị nwere olileanya na ndị mmadụ ga-eleba anya na ha bụ:
• Nchekwa na nkwalite asụsu Igbo
• Asụsụ Igbo na ndọla azụ ya n’oge ochie
• Ndọrọndọrọ ọtọgrafị Igbo
• Ozizi na ọgụgụ asụsu Igbo
• Ingiliigbo na uto asụsu Igbo
• Omenala na njirimara Igbo
• Okpukperechi ụzọ Kraist na mjirimara Igbo
• Ụwa ochie na nke taa: ọ bụ otu Igbo?
• Ka e si were omenala Igbo n’ejije Nollywood
Ndị chọrọ ileba anya ma gụpụta nchọcha ha n’otu n’ime nsoje isiokwu ndị a, màọbụ nke yiri ha zite ụmịedemede nke na-agaghị akarị mkpụrụokwu narị abụọ na iri ise (250). Dee aha ha,
isiokwu edemede ha na aha ụlọakwụkwọ/ụlọọrụ ha ma zigara ya admin@uwandiigbo.org tupu 17 Septemba, 2021 eruo.
Ndị nchịkọta ọgbakọ Uwandịigbo 2021 ga-atụle ụmịedemede ha, mee ka ha mara ma a nabatara ha n’oge na-adịghị anya.
Idebanye aha n’ogbako:
Ndị na-arụ ọrụ na Naịjirịa: ₦5,000
Ụmụakwụkwọ na Naịjirịa: ₦1,000 (mana enyemaaka dịkwa maka onye na-ejighị ego a)
Ndị bi n’òfèsi: $25.
A ga-ewepụta usoro na ebe nkwụnye ụgwọ n’oge na-adịghị anya.
Biko, ziga ajụjụ ọbụla ị nwere maka ọgbakọ a na: admin@uwandiigbo.org
Chiji Akọma, PhD, Onyeisioche Ndịnchịkọta Ọgbakọ (+1 610-519-6967)
Chijiagọ Echebima, PhD, Odeakwụkwọ Ndịnchịkọta Ọgbakọ (+234 806-394-8616)
Ndị na-arụ ọrụ na Naịjirịa na n’Africa: ₦5,000.
Aha: Iwu Ikwubuzo; Acc. No. 2058829398, Bank: UBA.
Ụmụakwụkwọ na Naịjirịa: ₦1,000 (mana enyemaaka dịkwa maka onye na-ejighị ego a)
Aha: Iwu Ikwubuzo; Acc. No. 2058829398, Bank: UBA.
Ndị bi n’òfèsi: $25.
Credit card – https://uwandiigbo.org/donate/
Check – Dee Uwandiigbo Academy . Ziga na 125 Belcher Street, Holbrook, MA 02343, USA
Usoro Nguputa Edemede – Daily scheduleUsoro Nguputa Edemede – Daily schedule (3) (1)