Idu obì bụ otu n’ime ihe zuru Igbo ọnụ, ma bụrụkwa oge e ji asị nwata nwoke ”Lee nke a jide” n’ezinaụlọ a mụrụ ya. Na nkọwa, idu obì pụtara nna ịkpọ ụmụ ya ndị nwoke, keere maọbụ nye onye ọbụla n’ime ha ala ebe ọ ga arụ ụlọ nke ya, maka na a sị na nwata toruo obi ọ pụọ obì. Ndị mba ọzọ dị iche iche na agbụrụ ụfọdụ […]
Buusu sị na ọ bụ mmekọrịta ahụ bụ ụtọ nwanne, ebe ndị Igbo kwùrù na ọ na-abụ a gbakọọ aka ọnụ wee buo ozu enyi, ọ dị mfe.N’ịgbaso nke a, ndị Igbo asụsụ na omenala Igbo na-amasị nọrọ na nsonso a wee nwee nnukwu ọgbakọ izugbe pụrụ iche iji tụgharịkọta uche ọnụ banyere ọnọdụ asụsụ na omenala Igbo, ma tụkwa arò etu a pụrụ isi kwàlite ma mee ka ha […]
Igbo sị na omere nwaogbenye na-emere chi ya, maka na ọ na-abụ onye gọzie nwaogbenye, chi nwaogbenye agọzie ya.Ka ọ dị taa, òtù ọrụ obi ebere a maara dịka Akachukwu Akonam ejirila erimeri wee kwàdo ụmụnwaanyị karịrị otu narị n’ọnụọgụgụ bụ ụmụnwaanyị ajadụ na ụmụnwaanyị ihe na-esiri ike.Mmemme ikesà ihe ahụ a na-eme kwà ahọ ọbụla bụ nke weere ọnọdụ n’ụlọụka ‘St Stephens Anglican Church, Nnokwa’ dị n’okpuru ọchịchị ‘Idemili […]
Dịka o si eme ya kwà ahọ ọbụla, aka na-achị steeti Anambra bụ Gọvanọ Willie Obianọ nọrọ ụbọchị Tuzdee wee gbapee atụmatụ ikesàrà ndị ọrụ oyibo steeti ahụ akpa osikapa, iji mee ka ha mụrịa ma kwee oyooyo n’ime oge mmemme ekeresimeesi a.Ya bụ mmemme bụ nke e mere n’ogìgè isi ụlọọrụ oyibo steeti ahụ dị n’Awka, bụkwa ebe Gọvanọ ahọ na ndị ọrụ oyibo nọrọ wee nwekwa ọgbakọ na […]
Igbo sị na ọ na-abụ e jide ibe ji n’aka, a sàá agụụ okwu; maka na ọ na-abụ onye rie, ọ mụrịa.Aka na-achị steeti Anambra, bụ Gọvanọ Willie Obianọ nọrọ ụbọchị Wenezdee wee gbapee amụmà ịkọ ọrụ ugbo ọkọchị nke ahọ 2020 n’ime steeti ahụ.Mmemme ịgbape amụmà ọrụ ugbo ahụ bụ nke weere ọnọdụ n’ama egwuregwu Alex Ekwueme dị n’Awka bụ isi obodo steeti ahụ, ma bụrụkwa nke ọtụtụ ọrụ […]
kọwaala ọba akwụkwọ ọhaneze dịka nke nwere nnukwu ọrụ pụrụ iche dịịrị ya n’imezùpụta ebumnobi ọkpụtọrọkpụ pụrụ iche nke otu mba ụwa United Nations wepụtàrà, bụ nke a maara na bekee dịka ‘Sustainable Development Goals (SDGs)’.Onyeisi mahadum Nnamdi Azikiwe dị n’Awka, bụ Ọkammụta Charles Okechukwu Esimone bụ ya kpọrọ oku a na mmemme abalị abụọ, a kpọrọ “Conference of National Librarian, Chairman And Directors of State Public Library Boards In […]
Igbo sị na ọ na-abụ ọkọ kọba mmadụ, o jekwuru ibe ya, mana ọ kọba anụmanụ, ọ chọba ukwu osisi.Ka ọ dị taa, ụmụakwụkwọ na-ahazi asọmpi ‘Hult Prize’ na mahadum Nnamdị Azikiwe (Unizik) dị n’Awka, n’ime steeti Anambra akpọtụrụla ụlọọrụ ‘Anambra Newspapers and Printing Corporation (ANPC)’ ma rịọ njikọaka ya n’ịgbasa ozi banyere asọmpi ahụ nke ahọ a. Onyeisi òtù nhazi asọmpi ahụ a maara dịka ‘Hult Prize Foundation’ […]
Ọ kpọtụrụ akpọtụ ma zụọ azụọ na nsonso a, dịka ndị obodo Enugwu-Agụleri dị n’okpuru ọchịchị ime obodo ‘Anambra East’ nke steeti Anambra merùbèrè mmemme Oriri Ọbịbịa Eri, bụ otu nnukwu mmemme ọdịnala pụrụ ichè e jiri mara obodo ahụ.Ya bụ mmemme bụ nke ndị obodo ahụ na-eme kwà ahọ ọbụla, ma bụrụkwa nke ha sitèrè na ya na-akwanyere nnukwu nna mụsàrà ha ùgwù, bụ Eri, ónyé bụ nwa mbụ […]
Aka na-achị steeti Anambra, bụ Gọvanọ Willie Obianọ agbapeela ọrụ iguzòbe ụlọọgwụ ebe a ga na-elekọta akụrụ (kidney) mmadụ na Nnewi, dị n’okpuru ọchịchị ime obodo ‘Nnewi North’ nke steeti ahụ.Ya bụ nnukwu ụlọọgwụ bụ nke a na-arụ site n’aka otu onye nnọrọonwe, bụ Dọkịta Okey Chidolue, ma bụrụkwa ebe a ga na-agwọ ma na-elekọta ụdị ọrịa akụrụ dị iche iche, ma ihe gbasaara inyòchà, ịgbanwògharị na itinyegharị akụrụ.N’okwu ya […]
Ọchịchị steeti Anambra nọrọ ụbọchị Wenezdee wee nwee ọgbakọ, ha na ndị na-anyà ụgbọala Keke Napep n’ime steeti ahụ.Ya bụ ọgbakọ bụ nke weere ọnọdụ n’ama egwuregwu Alex Ekwueme dị n’Awka, ma bụrụkwa nke a nọrọ na ya wee tụlee ma tinye okwu ọnụ banyere ihe metụtara òtù ahụ, mpụ na arụrụala, nakwa ọnọdụ nchekwa steeti ahụ.N’okwu ya n’ọgbakọ ahụ, odeakwụkwọ izugbe steeti ahụ, bụ Ọkammụta Solo Chukwulobelu gbarụrụ ihu […]