Ụbọchị Mọnday ọnwa Julayị dị na mkpụrụ ụbọchị asaa ka onyeisi Ọhanaeze Ndịigbo bụ Maazị Nnia Nwodo mere mjem mgbaru na Steeti Imo. Ọ gara ebe ahụ ịhụ gọvanọ na-achị Imo bụ Maazị Hope Ụzọdimma gbasara ogbughu ndị Fulani na-achị ehi gburu nwaamaala Steeti Imo nʻOguta nʻizu gara aga. Maazị Nwodo jikwe oge ahụ mee nchọpụta gbasra ihe gomenti Imo na-eme gbasara ndị omemaome a kpọrọ ndị Fulani.
Nʻokwu ya mgbe ya na Gọvanọ Ụzọdịmma zutere, Maazị Nwodo gwakwara ya bụ gọvanọ ka o were ọnọdụ ya rịọ gọvament etiti ka ha kwụsị mmegbu a na-emegbu ndịigbo na Naịjirịa. Gọvanọ Ụzọdịmma gwakwara Maazị Nwodo ka o nyere aka hụ na mmekọrịta ndịigbo na ndị na-achị Naịjirịa dị mma.